TIYAKIN ANG LIBRENG BATAYANG SERBISYO PARA SA MAMAMAYAN!
Ang BGH ay nag-iisang pampublikong ospital ng Baguio City para sa 318,676 populasyon nito na mabilis na lumaki. Ang lohikal dapat na hakbang ay magdagdag ng ospital sa halip na ipasa ito sa pribadong korporasyon. Subalit, gugulatin tayo ng balitang isasapribado ito kasama ng 25 pang ospital sa buong bansa. Mas, maaga pa naisapribado na ang mga National hospitals gaya ng Lung Center, National Kidney and Transplant Institute, Philippine Heart Center, Philippine Children's Medical Center. Ibinukas na rin sa bidders ang Philippine Orthopedic Center noong Enero nitong taon. Sa mga naunang pribatisasyon ng National hospitals, lubusang naitsapwera ang mga walang pera! Ang BGH ay nag-oopereyt na simula pa 1902. Limitado man ang kapasidad, sa pagdaan ng panahon, ito ang naging takbuhan ng mga mahihirap na mamamayan na walang pambayad sa pribadong ospital. Target din ng pribatisasyon o "Corporatization" sa ilalim ng iba't-ibang iskema ng Public-Private Partnership (PPP) o Private Sector Participation (PSP) ang Baguio City Market, ang ating mga parke (Burnham Park, Wright Park, Bayan Park, Botanical/Centennial Park, Dominican Heritage Hill Development), at ang Asin Mini Hydro Power Plant. Nakapaloob din dito ng pagpapaganda daw ng mahahalagang landmarks ng lungsod gaya ng Convention Center, Athletic Bowl at Maharlika. Ang mga proyektong ito ay nakapaloob sa naaprubahang Annual Investment Plan (AIP) ng lungsod nito lamang Abril 22,2013. ANG PUBLIC-PRIVATE PARTNERSHIP SA TUWID NA DAAN Ang mga gubyerno ng mahihirap na bansa o "papaunlad daw na bansa" ay iniengganyo ng gubyerno ng malalaking bansa at mga dambuhalang lending institutions na isagawa ang PPP upang hikayatin ang paglahok ng pribadong sektor sa "pagpapaunlad" daw ng mga larangang magiging mahalaga sa pagtuntun sa "economic development" ng mahirap na bansa. Halimbawa nito ay ang Water System, power generation and distribution, sanitation and waste management, ospital, eskwelahan, railway at kalsada, at mass housing. Sa nakaraan, ang larangang ito ay sulong hawak o pinangangasiwaan ng gubyerno sapagkat ito ay mahahalagang serbisyo na dapat tinitiyak ng gubyerno na tatamasa ng kanyang mamamayan. Kapos daw sa pondo at rekurso ang gubyerno at walang kasanayan para tiyakin ang epektibo at efficient na paggana ng mga ito, kung kayat ibinubukas sa pribadong sektor. Pero kadalasan, sa PPP o partnership na ito, ang "public sektor" o gubyerno ang namumuhunan o nagbibigay ng panimulang pinansya o kapital. Ang "private sector" naman ang nagbibigay ng expertise, nagdadala ng makabagong teknolohiya, at nangangasiwa sa mga larangang dapat sana ay direktang pinangangasiwaan ng gubyerno. Sa iilang pagkakataon, pumapasok din ang private sector sa pagbibigay ng kapital. Ang sumusunod ang ilan sa mga tampok na iskema ng PPP: "build-operate-transfer," gaya ng iskemang papasukin sa ating mga parke at major landmarks at "design-build-lease," gaya naman ng iskema sa Baguio City Market. Matagalan ang mga partnership na ito. Halimbawa, ang "design-build-lease" na pinanalunan na ng Uniwide sa public market ng lungsod ay aabot hanggang 30 taon at walang depenidong panahon para sa pagbabalik nito sa pagmamay-ari natin o ng mamamayan ng Baguio. Anumang pagtatambol natin sa tuwid na daan ni Pnoy, tiyak na sa baku-bakong daan at sa bangin tayo dadalhin ng iskemang public-private partnership! BAKIT PINAPASOK NG GUBYERNO ANG PPP? Ang PPP ay nakabalangkas sa mga pandaigdigang mga patakaran (o neoliberal policies) na ipinatutupad ng mga bansa ng mga dambuhalang monopolyo o super-higanteng mga korporasyon. Ang PPP ay nakapaloob sa patakarang SAP o Structural Adjustment Programs. Iniuutos ng SAP sa mga "umuunlad na bansa" o mahihirap na bansa na: una, magtipid ng gastos, at ikalawa, taasan ang kolekson ng buwis. Kailangang iwasan ng gubyerno ang "deficit" para matiyak nito ang pagbabayad ng utang at mapaganda ang credit rating para muling makautang. Huwag kalimutan, tayong mamamayan ang nagbabayad ng utang! Sobrang tindi ng pandaigdigang krisis ng sistemang kapital-sandamakmak na produksiyon ng kung anu-anong produkto pero wala namang bumibili dahil laspag ang mamamayan at walang kapasidad bumili. Ito ang dahilan kung bakit kailangang buksan sa kapitalista pati mga larangang dapat na hawak ng gubyerno- gaya ng basic utilities and basic services (edukasyon, kalusugan, pabahay, kalsada, etc.) Ito ang dahilan kung bakit tanggal nang tanggal ng subsidyo sa edukasyon at batayang serbisyo, habang bayad naman tayo ng bayad ng buwis at panay ang pag-iimbento ng kung anu-anong buwis na hindi naman natin mapakinabangan. Ito ang dahilan kung bakit kailangang isapribado ang pampublikong edukasyon at mga ospital, ang kuryente, ang kalsada at mga parke, at lahat na ng pag-aari ng gubyerno at mamamayan. BAKIT DELIKADO ANG ISKEMANG PPP NG GUBYERNO? Hindi maganda ang resulta ng lahat ng isinapribado na ng gubyerno. Ang unang negatibong karanasan ng mamamayan dito ay mula sa pagsasapribado ng MWSS ( dating NAWASA) noong Agosto 1997. Hindi umunlad ang serbisyo ng patubig. Hindi kinakabitan ng linya ng tubig ang mahihirap na komunidad. Hindi rin kayang ma-access ng mahihirap na mamamayan ang pribado nang serbisyo at mga gamot ng Philippines Children Medical, ng National Kidney and Transplant Institute at lalo na ng Philippine Heart Center. Kada minuto ang pagtaas ng presyo ng langis simula ng isapribado ang petron. Inuunti-unti ang iskema ng pribatisasyon ng mga state Colleges and Universities gaya ng UP Baguio at Benguet State University sa pamamagitan ng pagdodoble o pagtitriple ng matrikula nito. Kaya nga may Kristel Tejada at maraming iba pa na nawalan ng karapatang mag-aral. Wala tayong mapapala sa pribatisasyon gaano man pagandahin ang iskema at pagpapakete nito. Ang tumatakbong kaisipan sa pribadong sektor ay tubo at sandamakmak na tubo. Hindi serbisyo. Anumang bahagi ng batayang pampublikong serbisyo na ipapasa natin sa pribadong sektor ay ibabalangkas sa kung paano ito pagkakakitaan para sa tubo. Maaaring sa ilang pagkakataon ay magiging efficient ang serbisyo, pero kaya ba nating bayaran ito? Ang anumang impak din ng pribatisasyon, lalo na sa mga government institution ay ang pagkakatanggal sa trabaho ng mga manggagawa at empleyado nito. Dagdag sa sanlaksa na nating walang trabaho. Pero higit dito ay ang pagkakait sa mamamayan ng mga batayang serbisyo. Sa bawat sentimo na kinukuha sa atin para sa buwis, dapat tiyakin ang balik serbisyo nito sa mamamayan. Ang karapatang magbuwis ng gubyerno ay nakatuntong sa kanyang responsibilidad na ibigay ang batayang serbisyo sa kanyang nasasakupan. Ang ultimong responsibilidad ng anumang gubyerno ay sa kanyang mamamayan at hindi sa sinumang kapitalista. Ang tungkulin ng gubyerno ay tiyaking tinatamasa ng kanyang mga mamamayan ang mga batayang karapatan nila - sa edukasyon, kalusugan, pabahay; hindi ang pagtiyak sa pagkakamal ng tubo ng kapitalista. PRIBATISASYON, PPP AT MGA BAGONG HALAL NA OPISYAL Nitong nakaraang eleksiyon, ginawa nating panukat ang tindig ng mga kandidato sa mga nakaumang na plano ng pribatisasyon sa BGH, sa palengke at sa mga parke ng Baguio. Ngayon, mapatutunayan kung sino ang sinserong kakampi natin sa pagtutol sa pribatisasyon at sino ang sumasakay lamang para makakuha ng buto. Ipaabot natin sa mga bagong halal na opisyal ang ating kampanya sa pagtutol sa pribatisasyon. Itambol natin ang epekto nito lalo na sa mga maralitang mamamayan. Kailangan nating tiyakin sa bagong City Council na mananaig ang nauna nang City Council Resolution na humaharang sa pribatisasyon ng BGHMC. I-lobby natin sa ating bagong Congressman na dalhin ang laban na ito hanggang sa Konggreso upang hindi makalusot sa anumang titulo at pagkakapakete ang laman ang House Bill 6069 at Senate Bill 3130 noong 15th Congress na nagtutulak sa pribatisasyon o Corporatization ng BGHMC at 25 iba pang public hospital sa bansa. Ipaabot natin hanggang kay Pangulong Pinoy ang kapahamakang inaabot at aabutin ng mamamayan sa kanyang iskemang Public-Private Partnership o Private Sector Participation. Tutulan ang pribatisasyon! Unahin ang kapakanan ng mamamayan, hindi ng kapitalista at mga korporasyon! Ipagtanggol ang karapatan ng mamamayan sa mga batayang serbisyo at sa buhay! SERBISYO PARA SA TAO HUWAG GAWING NEGOSYO! Kilusan-KPD North Luzon May 06,2013 Kilalanin, Pahalagahan at Proteksiyunan angPapel ng Kababaihan sa Produksiyon at Reproduksiyon!3/7/2011 Ang Kababaihan sa Produksiyon…
Suportahan ang reproductive health bill! Harapin ang kagalingan ng kababaihan! Ipagtanggol ang dignidad! Proteksiyunan ang kababaihan sa produksiyon at reproduksiyon! Pagkakaisa ng Kababaihan para sa Kalayaan, Marso 8, 2011, Baguio City 4243706 012 Upper Market, Camp Allen, Baguio City Ang karapatan sa reproductive health Ang karapatan sa RH ay bahagi ng reproductive rights o karapatang reproduktibo. Karapatan ng mga tao lalo na ng kababaihang matamasa ang mga impormasyon, serbisyo at mga suplay para maging malusog: para sa kasiya-siyang sex life, ligtas na pagbubuntis panganganak at pagpapasuso ng sanggol. Pinakikitinguhan o nilulutas para magkaroon ng RH ang sumusunod:
3. proteksyon laban sa mga nagsasapanganib sa RH (hazards) lalo na sa lugar ng trabaho 4. proteksyon laban sa panggagahasa at iba pang karahasang sekswal 5. paggagamot ng mga sakit sa suso, kanser sa matris at iba pang malalang problema sa kalusugang reproduktibo 6. nutrisyon ng ina at sanggol Samakatwid, ang kaalaman at ‘access ‘ sa mga pamaraan ng pag-manage ng pertilidad ay bahagi lamang ng mga nilulutas kaugnay ng reproductive health. Ipinaglalaban ng KAISA KA ang karapatan ng mamamayan lalo na ng kababaihan para sa RH. __________________________________________ Kampanya Para sa Pagsasabatas ng Reproductive Health Kabuluhan ng Isyu: Lubhang mainit ngayon ang isyu ng reproductive health. Nakasalang sa dalawang kapulungan ng Kongreso ang mga panukalang batas tungkol dito, may panimulang paghikayat ang bagong presidente at aktibong isinusulong ang pagpapasa nito, pangunahin na ng mga grupo ng kababaihan. Samantala, agresibo ang simbahan sa pagkontra sa panukalang ito. Mula 2007 hanggang 20010, matinding pinagdebatihan sa Kongreso ang panukalang batas tungkol sa reproductive health o RH Bill. Natapos ang ika-14 na Kongreso nang hindi ito naipapasa, pangunahin dahil pa sa malakas na presyur ng simbahan. Samantala, hindi rin gasinong naintindihan ng maraming mamamayan ang pinagdidebatihan at hindi rin makapili ng papanigan. Mahalagang aktibong lumahok sa usaping ito ang KAISA KA. Sangkot sa usaping ito ang reproductive rights na sa pangunahin ay usapin ng kababaihan dahil sa mahabang panahon, wala silang kontrol sa kanilang sekswalidad at kakayahang reproduktibo samantalang kababaihan ang nagbubuntis at nanganganak. Samakatwid, sangkot din dito ang usapin ng kabuuang pagsasakapangyarihan (empowerment) sa kababaihan. Bilang isang samahang kababaihang nagsusulong ng paglaya ng kababaihan, hindi pwedeng mawala ang KAISA KA sa bulwagan ng labanan tungkol dito. Ang mga Naunang Panukala Kaugnay ng Reproduksyon Ngayon lang nagkaroon ng totoong RH Bill sa Kongreso. Sa kalahatan ang mga naunang patakaran at panukalang batas ay panay nakatuon sa pagkontrol o pangangasiwa sa populasyon. Agresibong isinulong ng rehimeng Marcos ang Family Planning bilang development strategy mula 1972 hanggang sa kanyang pagkaalis sa pwesto noong 1986. Pinondohan ito, tinodo ang propaganda at may isang lebel ng pamimilit sa pagsasakatuparan nito. Samantala, sa panahon ng unang Presidente Aquino, bahagyang inasikaso ito. Sa pagiging sobrang masunurin sa Simbahang Katoliko, ang Family Planning ay naging maliit na bahagi na lang ng social welfare and health programs. Isinulong ni Ramos ang Population Management program. Aktibo ang pangangampanya ng DOH sa ilalim ng noo’y kalihim Flavier. At dahil ginamit na ang katagang reproductive health sa Cairo Declaration (1994) at sa Beijing Platform (1995), tinawag na rin itong RH Program. Bahagi rin ng pagpapagaan sa kahirapan ang naging pagsulong ng RH sa panahon ni Estrada. Pinaglaanan din ito ng pondo mula sa pambansang badyet. Sa panahon ni Arroyo, family planning program lang ang kanyang sinuportahan sa pambansang antas. Hinayaan niya ang mga lokal na yunit ng gubyerno na magpatupad ng mga komprehensibong programa sa RH. Sa panahon niya isinampa sa Kongreso ang magkakasunod na mga panukalang batas kaugnayng reproduksyon. Pero kahit ang huling isinampa, ang Reproductive Health and population Development Act of 2008 ay nakatuon pa rin sa paglutas ng mabilis na lumalaking populasyon na itinuring na siyang ugat ng malaganap na kahirapan. Sa esensya, population management ang hakbanging iyon na nakamaskara lamang bilang RH. Ang Reproductive Health at Reproductive Rights Ang pagtitiyak ng RH, habang bahagi ng pagsasakatuparan ng karapatan sa kalusugan (right to health), ay bahagi ng pagsasakatuparan ng reproductive rights. Ito ang nabuo sa mahabang panahon ng pagsusulong ng mga peminista ng karapatang repoduktibo na humantong na sa mga pandaigdigang kumperensya, sa World Health organization at sa United Nations (UN). Ganoonman, sa mga pag-uusap sa UN, iba pang mga internal na kumperensyang nauukol sa debelopment, nakasentro ang talakayan sa RH at RR sa usapin ng pangangasiwa ng pertilidad. Sa maraming paggamit ng mga katagang ito, napapakitid na ang kahulugan ng RH na parang katulad lang ng “family planning”, o pag-aagwat ng panganganak. Samantala, ang makitid na paggamit naman ng RR ay simpleng karapatang gumamit ng iba’t ibang paraan ng pagkokontrol ng pertilidad. Pero, patuloy din naming umunlad ang depinisyon ng RR at RH sa proseso ng paggamit nito lalo na noong idaos ang Fourth World Conference on Women sa Beijing Dinidipini ng KAISA KA ang dalawang katagang ito sa sumusunod: Reproductive Health--Ito ang kalagayang may kumpletong pisikal, mental at sosyal na kagalingan sa lahat ng bagay na may kaugnayan sa sistemang reproduktibo at sa mga paggana at proseso nito mula pagkasilang hanggang kamatayan. Kung gayon, pinapakahulugan na sa kalusugang reproduktibo, may kasiya-siyang sex-life ang mga tao, at mayroon silang kakayahang magkaanak sa angkop na idad.. Batay dito, kabilang sa mga usapin kaugnay ng RH ang sumusunod: 1. impormasyon, edukasyonat pagmamatnubay tungkol sa RH sa iba’t ibang yugto ng buhay 2. access sa RH services and supplies lalo na ng mga mahihirap pre-natal, maternity, post natal care fertility management (kasama na ang pag-asikaso sa problema ng infertility) prevention of abortion and management of abortion-related complications std care menopausal problems 3. proteksyon laban sa mga nagsasapanganib sa RH (hazards) lalo na sa lugar ng trabaho 4. proteksyon laban sa panggagahasa at iba pang karahasang sekswal 5. paggagamot ng mga sakit sa suso, kanser sa matris at iba pang malalang problema sa kalusugang reproduktibo 6. nutrisyon ng ina at sanggol Reproductive rights: karapatang-tao ng kababaihan na magkaroon ng kontrol at magpasya tungkol sa mga bagay na may kaugnayan sa kanilang sekswalidad at kalusugang reproduktibo nang walang pamimilit, diskriminasyon at karahasan. Itinatakda ng pantay na relasyon sa pagitan ng kababaihan at kalalakihan sa usaping sekswal na relasyon at reproduksyon, kasama na ang buong pagrespeto sa integridad ng tao, ang pagkakaroon ng paggagalangan, pagpapahintulot at pinagsasaluhang responsibilidad sa sekswal na pag-uugaliat sa mga resulta nito. Dahil karapatang tao ito pangunahin ng kababaihan, sentral dito ang karapatan sa mulat na pagpili (informed choice) at pagpapasya. 1. karapatang magkaroon ng RH 2. karapatang magpasya kung magkakaanak o hindi, kung kanino, kung kailan at ilan basta’t walang tinatapakang karapatan ng iba 3. karapatang pagpili ng makakasama nang walang diskriminasyon at pamimili 4. karapatang magkaroon ng kontrol sa sariling katawan, pangunahin sa usaping sekswal at kakayahang reproduktibo Ang Mahahalagang Nilalaman ng Kasalukuyang RH Bill Nasa sentro ng panukalang batas sa RH ang pagsusulong at proteksyon sa karapatang tao ng kababaihan. Naglalayon itong mapabuti ang kalusugan ng mga ina at mapababa ang bilang ng namamatay nang dahil sa panganganak. Pero, inaasahang ang maibibigay na kakayahan sa mga pagpartner, at lalo na, sa babae na planuhin ang panganganak ay magbibigay sa kababaihan ng mas mabuting opurtunidad na makapag-aral, makaempleyo at makatayo sa sarili sa puntong kabuhayan. May malaking konsiderasyon ang panukalang batas sa kakulangan ng kakayahan ng maraming kababaihan na mag-access ng mga serbisyo at suplay na pang repro health. Kung wala ang prubisyon tungkol sa paglalaan ng pondo ng gubyerno para rito, hindi matatamasa ng mas maraming kababaihan ang kanilang karapatan. Itinakda ng panukalang batas ang sumusunod na pangangalagang reproduktibo:
Wala ring prubisyog magpipilit sa sinuman na gumamit ng anumang paraan ng pag-manage ng kayang pertilidad. Hindi nagliligalisa ng aborsyon ang kasalukuyang RH Bill. Pero may malinaw na prubisyon ito para bigyan ng mahusay na pangangalagang pangkalusugan ang mga nagkaroon ng aborsyon. Maaaring may mga puntong mababago pa sa ilang probisyon sa proseso ng pagdidebate at pagla-lobby sa kongreso. Kaya mahalaga ang pagbabantay ng mga kababaihan para hindi matanggal ang mga bahaging maganda at pabor sa kababaihan at sa mamamayan. (Minamabuting pag-aralan ng mga kasapi ng KAISA KA ang mismong panukalang RH Bill sa huling inabot na porma nito.) Ang Ating Kampanya Ikakampanya natin ang pagpapasa ng RH Bill. Gagawin natin ang kampanyang ito sa buong panahong di pa ito naipapasa sa Kongreso kaya sa kasalukuyan, itatakda muna nating pang-isang taon ang ating kampanya. Layunin ng ating kampanya ang: 1) magamit ang isyu ng RH Bill para makapagpalawak ng abot ng ating propaganda tungkol sa ating tindig sa kalusugan at karapatang reproduktibo at maimarka sa pandama ng madla ang pusisyon ng KAISA KA tungkol dito at 2) makapagpalakas ng ating organisasyon at 3) makaambag nang malaki sa pagkakapasa ng batas sa RH. Partikular na mga layunin natin ang sumusunod:
Ang Unang Yugto: Pag-iisa ng buong kasapian tungkol sa isyu at sa ating mga hakbangin. Kasama sa mga gawain sa panahong ito ang sumusunod
Tatagal ang yugtong ito mula Enero hanggang Abril, 2011. Ang Ikalawang Yugto: Puspusang pagsasagawa ng gawaing edukasyon/propaganda sa mga target na organisahin at sa madla. Kabilang dito ang sumusunod: 1. Pagmamaksimisa ng gamit ng mga progama sa radyo. 2. Pagsasagawa ng mga pagkilos, maaaring maliit pero, maktatawag ng pansin ng midya. 3. Pagpapagana ng mga sinanay na kampanyador sa pagpapaliwanag, at pag-oorganisa. 4. Tatagal ang yugtong ito mula Mayo hanggang Setyembre. Maaaring isagawa ang mga tungkulin sa ikatlong yugto sa panahon ng ikalawang yugto lalo na kapag pinabibilis nga Kongreso ang proseso ng pag-aapruba ng RH Bill. KAISAKA Campaign Paper February 2011 Pagsusuri sa mga Panukalang Batas Tungkol saReproductive Health Tatlong panukalang batas tungkol sa reproductive health (RH) na isinampa sa Kapulungan ng mga Kinatawan at sa Senado ang hawak natin sa kasalukuyan. Ang mga ito ay ang panukala ni Senador Miriam Defensor-Santiago o MDS Bill, ang kay Rep. Edsel Lagman Sr. o Lagman Bill at ang isinampa ni Rep. Janette L. Garin o Garin Bill. Wala tayong nabasa sa balita o nakuha sa website ng kongreso na ibang nakasampang bill tungkol sa RH sa panahong ito ng ika-15 kongreso. Isa-isahin natin ang mga nakasampang ito. Ang MDS Bill Ang Batayan ng Bill: 1. Tungkulin ng pamahalaan na irespeto, bigyang proteksyon at isakatuparan ang karapatan ng mamamayan sa kalusugan sa ilalim ng Article 2 Section 15 ng Saligang Batas, Article 12 ng International Covenant on Economic, Social and Cultural Rights (ICESCR) at Article 12 ng CEDAW. 2. Tinadhana pa ng CEDAW na titiyakin sa kababaihan ng mga Partidong Estado ang nararapat na hakbangin kaugnay ng pagbubuntis, pagkaka-confine at panahong pakapanganak, bibigyan sila ng libreng mga serbisyo kung kinakailangan at sapat na nutrisyon sa panahon ng pagbubuntis at pagpapasuso.(“States Parties shall ensure to women appropriate services in connection with pregnancy, confinement and post-natal period, granting free services where necessary as well as adequate nutrition during pregnancy and lactation.) 3. Itinadhana ng CEDAW Committee General Recommendation Number 24 tungkol sa kababaihan at kalusugan ang panawagan sa mga “…partidong estado na isaprayoridad ang pag-iwas sa di ninanais na pagbubuntis sa pamamagitan ng pagpaplano ng pamilya (FP) at sex education para mabawasan ang bilang ng namamatay sa pagbubuntis at panganganak…”(“…states parties to prioritize prevention of unwanted pregnancy through family planning and sex education and to reduce maternal mortality rates…”) 4. Mga napagkasunduan sa International Conference on Population and Development-Program of Action, Beijing Platform of Action, Millennium Development Goals Number 5 5. Mga nakadilat na katunayang nagpapakita ng lala ng problema sa RH sa Pilipinas: a. 11 Pilipinang ina ang namamatay sa bawat 24 oras dahil sa pagbubuntis at mga kumplikasyong kaugnay ng panganganak, ang pinakamataas na tantos ng namamatay kaugnay ng pagbubuntis/panganganak sa Asya b. Napaka delikado (high risk) ang mahigit sa 60% ng mga pagbubuntis (2003 survey) c. Gustong magplano ng pagpapamilya ang 2.6 M Pilipina pero kulang ng impormasyon at kakayahan para magawa ito. d. 30% ng taunang panganganak ang gawa ng mga teen-ager (adolescents) Ang Esensya ng Bill: Minamanduhan nito ang estado na garantiyahan ang panlahatang pag-abot sa ligtas, ligal, abot-kaya at dekalidad na mga serbisyong, paraan, gamit, suplay at kinakailangang impormasyong pang RH. Mga layunin: 1. Paunlarin ang kalusugang-ina (maternal health) at pababain ang kamatayan kaugnay ng pagbubuntis/panganganak o maternal morbidity 2. Mabigyan ang kababaihan ng mas maraming oportunidad na nakapag-aral at maempleyo , at sa dulo nito, pagsasakapangyarihang pang-ekonomya. 3. Makatulong sa pagpapawi ng kahirapan, pagpupursigi ng sustenableng pag-unlad at mapahusay ang kalidad ng buhay Mga Elemento o Saklaw ng RH: 1. Kalusugan ng ina, sanggol at bata at nutrisyon kasama na ang pagpapasuso ng ina 2. Mga impormasyon at serbisyo tungkol sa FP 3. Pag-iiwas sa aborsyon at pag-aasikaso sa mga kumplikasyong dulot ng aborsyon 4. RH para sa mga teen-ager at kabataan (youth , hindi bata) 5. Pag-iwas at pag-aasikaso sa mga impeksyon sa reproductive tract (prevention and management of reproductive tract (RTIs), HIV at AIDS at iba pang impeksyong naikakalat sa pakikipagtalik (STIs) 6. Pagpapawi ng VAW 7. Edukasyon at pangangaral tungkol sa sekswalidad at kalusugang sekswal 8. Pangagamot ng kanser sa suso at reproductive tract at iba pang sakit at diperensya sa matris at mga kakabit nito (other gynecological conditions and disorders) 9. Responsibilidad at partisipasyon ng lalaki sa RH 10. Pag-iwas at paggamot ng pagkabaog at diperensyang sekswal (sexual dysfunction) Mga Matitingkad na Itinatadhana: 1. Pagtitiyak na may isang ospital na magbibigay ng komprehensibong pag-aasikasong pang-emergency kaugnay ng panganganak (comprehensive emergency obstetric care) at 4 na ospital na magbibigay ng batayang pag-aasikasong pang-emergency kaugnay ng panganganak sa bawat 500,000 populasyon. 2. Dapat magbigay ng lahat ng klase ng modernong paraan ng FP ang lahat ng ospital liban sa specialty hospitals; pagbibiigay ng tulong ang PhilHealth /at o ang gubyerno sa mga mahihirap na pasyente. 3. Magsasagawa ng taunang Maternal Health Review. Imamando ito sa lahat ng pambansa at lokal na ospital 4. Magiging bahagi ng National Drug Formulary ang mga produkto at suplay na pang-family planning 5. Titiyakin ng DOH ang pagkakaroon at distribusyon ng mga suplay at pagmomonitor ng paggamit nito. 6. Ibibigay ng Philhealth ang maksimum na benepisyo para sa mga may nakamamatay na karamdaman (AIDS, Cancer,etc) 7. Mobile Health Care Services na popondohan, sa simula ng PDAF ng bawat congressman 8. Naaangkop-sa-edad na RH at edukasyong sekswal para sa mga teen-agers na isasanib sa iba pang paksa/asignatura(subject) 9. Tataasan ng 10% ang sahod ng mga Barangay Health Workers (BHWs) na nagsailalim ng pagsasanay sa RH pero 20% ang itataas sa sahod ng mga BHW na wala pang isang libong piso (Php 1,000) ang sahod. Magmumula ang pera sa pondo ng GAD at iba pang lokal na pondo 10. Dapat iintegra ng mga employer na may mahigit 200 na empleyado ang mga serbisyong RH sa kanilang mga pasilidad pangkalusugan; kung mababa sa 200 ang empleyado, magkakaroon sila ng pakikipag-partner sa tiyak na mga ospital at mga pasilidad na pangkalusugan 11. Nakasulat ang karapatan ng mga manggagawa sa RH: mga benepisyong medikal at pangkalusugan nauukol sa mga manggagawa, listahan ng mga banta sa RH (RH health hazards) sa lugar ng paggawa, at ang mga nakalatag na pasilidad na pangkalusugan para sa mga manggagawa 12. Implementasyon: sa pangunahin, DOH, magbibigay ng technical assistance ang PopCom 13. Mga bawal: a. Pagtatago (withholding) ng impormasyon b. Ang gawing rekisito ang pahintulot ng third party liban sa kaso ng mga menor de edad, ang gawing rekisito ang pagkuha ng pahintulot sa kaso ng mga menor de edad na inabuso ng magulang o myembro ng pamilya c. Pangtangging bigyan ng serbisyo ang sinuman dahil sa kanyang estado sibil, gender, oryentasyong sekswal, edad, relihiyon at kalikasan ng trabaho d. Ang pagbabawal o paglilimita ng opisyal publiko o kinatawan niya sa pagbibigay ng ligtas at ligal na serbisyong RH o ang kanilang pamimilit na gamitin ang mga ito. e. Ang pamimilit ng employer sa kanyang empleyado o aplikante sa trabaho na gumamit o di gumamit ng anumang paraang kontraseptibo bilang rekisito sa pagkakatanggap o pananatili sa trabaho 14. Parusa: Pagkakakulong ng mula isa hanggang anim na buwan o pagbabayad ng mula Php10,000 hanggang Php 50,000 o pagkakakulong at pagbayad. Ang Lagman Bill Tungkol sa problema ng lumalaking populasyon ang unang talata ng explanatory note nito. (Kaya, parang ito ang kanyang unang konsiderasyon.) Pero agad namang bumabawi sa sumunod na talata sa pagsabing lampas ang RH sa target kaugnay ng populasyon dahil, sa pangunahin, tungkol ito sa karapatan sa kalusugan at pag-unlad ng tao. Batayan: 1. Ang prinsipyong: karapatan ng bawat isa ang reproductive self-determination—ang karapatang magdedisyon kung kalian at kung gaano kadalas magiging magulang ang isang tao o ang karapatang di maging magulang kahit kalian. 2. Ang mga nakadilat na mga problema sa RH sa Pilipinas: b. Parehas ng sa letra c ng MDS Bill pero dagdag dito ang mga puntong: hindi gumagamit ng kontraseptibo ang 41% ng mga pinakamahirap na kababaihang gustong umiwas na mabuntis dahil sa kakulangan ng impormasyon; at 54% ng mga kababaihang may-asawa ang ayaw nang magdagdag ng anak pero 49% nito ang di gumagamit ng anumang klase ng FP c. Sa hanay ng mga mahihirap, malaki pa rin ang bilang ng anak—anim d. Di ninanaisa ang 44% ng pagbubuntis ng mga nasa pinakamahirap na sangkalima (the poorest quintile) at 67% lamang ng mga pagsilang ang nakaplano e. Ang iba pa, parehas na lang ng nasa MDS Bill Ang Esensya ng Bill: Pagtatadhanang ibigay ng estado ang nauukol at napapanahong impormasyon tungkol sa lahat ng paraan ng FPna ligal at ang ligtas at dekalidad na RH at serbisyo sa FP Mga Layunin: Dagdag sa binaggit sa MDS Bill, 1. Pababain ang bilang ng mga kaso ng aborsyon. 2. Makapagbawas sa gastusin sa pamamagitan ng pagpapabuti ng kalusugan ng ina at sanggol at ng pagbabawas ng bilang ng namamatay sa pagbubuntis/panganganak. Mga Elemento of Pangangalagang RH: Dagdag o naiiba pa sa nasa MDS Bill, 1. Pagbabawal sa aborsyon at di lamang pag-iwas 2. RH para sa kabataan iba pa sa adolescent and youth RH (malamang na di lang napansing pag-uulit ito) Matitingkad na Itinatadhana: Dagdag sa nasa MDS Bill, 1. Pag-iempleyo ng sapat na bilang ng kumadrona: 1 may kasanayang kumadrona para sa bawat 150 panganganak bawat taon; may ganito rin sa mga malalayong lugar 2. Magbibigay ng libreng instruksyon at pagtuturo tungkol sa FP ang mga lokal na opisina sa FP 3. Wala itong prubisyon tungkol sa BHW 4. Walang lisensya sa kasal ang ibibigay hanggat walang mnaipiprisintang katibayan ng pakakakuha ng sapat na impormasyoin tungkol sa FP, RH, pagpapasuso at nutrisyon ng sanggol. 5. Ibinabawal: Lahat ng nabanggit sa MDS Bill, dagdag dito ang pagpapalsipika ng katibayan ng pagsunod sa prubisyon tungkol sa rekisito sa kasal at ang malisyosong pagpapalaganap ng disimpormasyon tungkol sa layon at laman ng batas sa RH. 6. Ang prubisyon tungkol sa parusa: may partikular na punto tungkol sa mga taong may kaugnayan sa pagpapatupad ng batas (juridical persons) at mga dayuhan. The Garin Bill Sa kalahatan, pareho lang ang laman nito sa MDS Bill pero mas parami itong binanggit na mga internasyunal na kasunduan (international conventions) bilang kasama sa mga batayan. Pagsusuma: Kaiba sa nakararaming RH Bills noong ika-14 Kongreso, ang mga panukalang batas ngayon ay tunay na RH bills at hindi nakamaskarang popululation management bills. Nakaangkla ang lahat sa karapatan at pag-unlad ng tao. Ngayon, malinaw na DOH ang lead agency at hindi ang PopCom. Pinakamaganda ang pagkakasulat ng MDS Bill: sistematiko at malinaw na pangunahing nakaangkla ito sa karapatan at kagalingan ng kababaihan. May kaunting kahinaan sa pormulasyon ang Lagman Bill, parang “his slip is showing” sa explanatory note pero sa kalahatan, nakatono na ito sa MDS Bill. (Liban pa sa mas madiin ang sponsor sa population problem kapag dinidepensahan niya ang bill sa mga interbyu s kanya.) Maaari ring pampakalma lang sa mga labis na konserbatibong opositor ang prubisyon ng Lagman Bill na “proscription of abortion“ bilang isa sa mga elemento ng pangangalagang RH. Pero bilang panukalang batas sa RH, mas naangkop ang nasa MDS at Garin bills na “prevention of abortion”. Pero, iintegra pa rin ito. Kung dito na lang sa tatlong panukala kukunin ang ipapalaman sa pinal na bersyon bago isalang sa pag-aapruba, maganda na ang kalalabasan ng batas. Dapat itong suportahan. Dapat ikampanya ang pagpapasa ng RH Bill!
Aquino’s Tough Stand on RH Brightens Day for Women but Has to Make Clearer Stand and Concrete Actions on Other Problems On President Aquino’s 100th day in office, we in KAISA KA consider the President’s stand on family planning endearing to women, mothers’ especially. He still has to make clear policy statements, however, on other issues that concern women and the rest of the population and start action to show that indeed, his administration is essentially different from GMA’s. It is encouraging that the president, up to his 100th day has stood firmly on the state’s duty to provide the population information and access to different family planning methods despite the Catholic bishops’ warnings that amount to saying they will set off a destabilization campaign against this administration if he does not retract. Many political leaders back out when faced with stiff opposition from the leaders of the biggest church in the Philippines. But he still has to take action on the long list of demands of women’s organizations and those of other marginalized sectors regarding some important issues. For instance, he has remained silent on the issue of foreign military troop’s presence, which for years, KAISA KA and other organizations have been opposing because it undermines national sovereignty and puts women and their communities more vulnerable to military sexual violence. It has remained silent on the VFA that is among the reasons for the US military’s continued stay and has led to several reports of abuses on women and other civilians. Despite the seriousness of trafficking in persons in the country, the Philippines being in the Tier 2 of the US ‘State Departments’ list, it is only a statement through an interview that the president gave out and nothing more. President Aquino has not made any pronouncement against neo-liberal economic impositions instead harks on his Public-Private Partnership scheme that doesn’t break away from the former. He has not taken any step to curb casualization of labor, which puts many women out of work, forces them to accept jobs that are more exploitative and makes them more vulnerable to trafficking. He has not taken a clear position on Hacienda Luisita, an issue that would define his land and agrarian reform agenda. He stopped frenzied demolition of squatters in North Triangle but does not act yet on the demand of urban poor on the three-year moratorium of demolition nor lay down his urban land reform and comprehensive housing program for the poor. His realignment of budget with clear bias on health and education is encouraging, but his comprehensive plan regarding these matters must take off from the most practical and realizable. While he claims to have improved the fiscal situation of the country and has remarkably stabilized the peso’s standing, mothers find it ever more difficult to stretch the peso to meet the family’s daily needs. KAISA KA reminds administration that rhetoric will not work for long. PLATAPORMA NG KABABAIHAN (WOMEN and COMMUNITY AGENDA) · Tiyakin ang paglahok ng mga kababaihan, lalo na ng kababaihang anakpawis, sa pagbubuo ng mga programa’t patakarang pangkababaihan ng mga LGUs. Magbuo ng mga Women Councils mula sa mga nakatayo nang organisasyon ng kababaihan bilang mekanismo para dito. · Suportahan ang pagbubuo ng iba’t ibang organisasyon ng kababaihan sa iba’t ibang sektor: vendors, urban poor, youth and students, farmers, fisherfolks. Tulungang maging functional ang mga nakabuo na. · Magkaroon ng mga programa para sa access ng kababaihan sa impormasyon at mga kaalaman – pagtatayo ng mga community women resource centers and libraries sa mga barangay. · Magtayo ng adult education and literacy program para sa kababaihan. · Aktibong ikampanya ang pagpawi sa karahasan sa kababaihan at kanilang mga anak (violence against women and their children). Tiyaking makuha ng lahat ng barangay officials ang mga aralin hinggil sa mga batas para sa proteksiyon sa kababaihan upang alam nila itong pakitunguhan: Violence against women, sexual harassment act, at iba pang mga batas. · Tiyakin ang akses ng kababaihan sa mga batayang kaalaman at serbisyong pangkalusugan – kaugnay ng reproductive health at reproductive rights, basic hygiene at iba pa. · Buuin ang mga decorum (komite para i-address ang mga usaping pangkababaihan, gaya ng sexual harassment cases, iba pa) sa lahat ng government agencies. · Sa pamamagitan ng mabubuong Women’s Councils, suportahan ang mga programa para sa pagpapaunlad sa kaalaman, kasanayan at kagalingan ng mga kababaihan – mga pag-aaral at seminars, at skills training sa mga barangay. Tiyakin ang budget appropriation sa mga ito. · Dagdagan ang budget allocation sa mga programang pangkababaihan. Maglunsad ng information drive hinggil sa mga programa, sa allotted budget nito at ang mga mekanismo kung paano ito ma-avail. Palahukin ang mabubuong Women’s Council para ditto. · Gumawa ng mekanismo para sa sustinidong paglahok ng mga NGOs sa kababaihan sa mga programa at usaping pangkababaihan. · Maglunsad ng mga livelihood projects lalo na sa mga barangay ng mga kababaihang maralita at tiyaking maging sustinido ang mga ito. I-institute ang minimum requirements para madali itong ma-access. · Bigyang prayoridad ang local constituents para sa mga oportunidad na pangkabuhayan. · Dagdagan ang mga mekanismo at pondo para sa pagpapalaganap sa barangay level ng mga medical and dental services (minimum: quarterly). Maglunsad din ng mga information – dissemination hinggil sa mga nakalaang programang pangkalusugan. · Maglagay ng daycare center sa bawat barangay. · Magsagawa ng malawakang kampanyang edukasyon hinggil sa mga batas sa kababaihan: VAWC, sexual harassment, sextrafficking, magna carta for women. BAGUIO · Decisively address garbage disposal problem (long term solution). Implement ESL law (RA_____). LA UNION · Education campaign about the hazards of nuclear power plants. · Itigil ang anumang proyekto na makakaapekto sa fishing grounds (coal transit point ni Cojuangco) · Implement the 15-km municipal water zone (off-limits to commercial fishers). · (illegal fishing) – formulate with pangisda. · Barangay – level projects (daycare, women program, health services, etc.) BENGUET · I-regulate ng provincial government ang presyo ng bilihan ng gulay (from the control of the middlemen). · Subsidy to the vegetable farmers. Post-Election Statement May 12, 2010 Contact Person: Atty. Virginia Suarez-Pinlac IN HIS HANDS This county is in no one’s hands – that was the clear and loud message of the electorate in the just-concluded election, which first and foremost debunked the myth of command votes, whether left, right or center. If one may use a well-known phrase from world literature, indeed the heart is a lonely hunter, meaning that when it comes to making a choice between this or that candidate, one does it by one’s own criteria, whether rational or delusional. What is also clear, as evidenced by the long interminable lines before the polling precincts, is that the Filipino people want to participate and exercise democracy, want an input into who should govern them and want to be responsible citizens of the nation. Let this lesson not be lost to those who would lead by command alone. We react with opprobrium to the “puro utos-puro utos” syndrome. The election results, still in process as of this writing, also indicate that over the next six years, this country will not be held by a single pair of hands. Benigno Aquino III might be president, but his second in command could come from another party – Jejomar Binay – and those who are about to be senators come from a mish-mash of political orientation, from the autocratic to the entertaining. More than ever, citizen participation will be of vital importance, as we look forward to six years of more squabbling and paralysis, as occurred with the now lame-duck Gloria Macapagal Arroyo administration. It is time, in other words, to lift national politics from self-interest and the preservation of one’s own power and power dynasties – left, right or center – and act from a national perspective, as a people. As a women’s organization, Kaisa Ka is highly gratified that the electorate chose to ignore religion’s attacks and bans on those who would support reproductive health and safety for the Filipino people. We note that President-elect Aquino’s consistent stand on reproductive health and safety for the women of the Philippines did not hurt his chances at all, just as we note that those who waffled on this issue did not improve their vote count. We congratulate all the women who chose to vote for those who had an unequivocal stand on this issue, which is of prime importance, not only to women, but to the very survival of the nation. We were disappointed on one aspect: though much was made of the possible impact of the votes of overseas Filipinos, their issues were barely focused upon in these elections. Let us rectify this in the coming years and make sure that in the next elections, the continued overseas slavery of one-tenth – and increasing -- of the population (and 65%-70% women) become a major political concern. No nation can stand together with a major segment of its population enslaved. It was a long, tense and oft-times bitter election campaign. But time now to reflect upon the results and gear up for the battles and struggles ahead. ### We are the members of Malaya Lolas, the organization of surviving victims of mass rape by soldiers of the Japanese Imperial Army in Mapanique, Candaba, Pampanga in the Philippines. Our harrowing experience happened as part of a completely planned attack at our barrio (village) on November 23, 1944.
|
Archives
November 2013
Categories
All
|